最近租客欠租唔搬走嘅個案越嚟越多，而且有部份業主更做出一啲唔理智行為，導致雙方出現受傷情況。所以面對租客欠租唔搬走，業主千祈唔好做呢啲事！包括擅自更換門鎖、擅自闖入單位、充公租客嘅私人物品當作租金，甚至攻擊租客，強逼租客交租搬走，以上行為都係錯！錯！錯！
因為呢啲嘅行為，唔單只令業主收唔到租金、趕唔走租客，更會被租客控告業主非法入侵罪。因為租客已經係單位嘅使用者，即係未經租客准許或者冇任何合法理據下，擅自進入單位內，已經係非法入侵。假如充公租客嘅私人物品當作租金，更可以被控盜竊罪。所以身為業主嘅你，一定要學識正確追租嘅方法，咁就萬無一失啦！
【第一步】
當租客出現欠租嘅時候，業主可以先透過電話聯絡、手機短信或電郵方式，同租客做一個初步連繫通知。商討租客嘅交租係唔係出現問題或者有其他困難。
【第二步】
如果租客拒絕交租或者聯絡唔到租客，業主千祈唔好做之前所提及嘅行為，需要用正確嘅法律途徑進行追租，例如向小額錢債審裁處、區域法院、高等法院原訟庭等提出申索款額。
【第三步】
假如事態非常嚴重，租客已經嚴重欠租，業主就需要向土地審裁處，申請收回物業單位。但整個過程可能需要兩三個月甚至更長，因為業主要等法庭發出管有令狀之後，再由執達主任處理收回單位事項(俗稱收樓行動)。
以上三個就係正確嘅追租步驟，如果有任何問題或者疑難，可以聯絡中原測量師行租務管理部專員，為你解決問題。另外，租管服務亦可以幫業主揀選好租客、簽租約、處理單位維修問題。同時亦可以協助業主收租、追租、處理糾紛等等。一站式嘅租務管理服務，減少業主嘅煩擾。有任何問題可致電免費諮詢熱線（852）2139 6698向中原測量師行租務管理服務查詢。
----------------------------------------------
想了解更多租務管理服務，
歡迎致電：(852) 2139 6698
Whatsapp：(852) 5110 7006
Instagram：www.instagram.com/centalinesurveyors/
官方網站：www.centalinesurveyors.com.hk/
電郵：tenancy@mail.centanet.com查詢